Saturday, November 23, 2013

هل ال10% رشوة مقننة؟

National American coptic Assembly-USA
Washigton DC 
Mr. Morris SadekESQ President 
Mr  , Nabil Besada Vice  president
watch our website
coptic Flag
النشيد الوطنى للدوله القبطيه
http://www.youtube.com/watch?v=xzYeN5m6DhE (Preview)               
THE COPTIC STATE

هل ال10% رشوة مقننة؟
                      بقلم:نبيل بسادة
Photo: ‎مؤتمرات ومقالات الاقباط   
هو حد كتب لا للمواد الاسلاميه فى الدستور 
بقلم المهندس نبيل بساده  نائب رئيس الجمعيه الوطنيه القبطيه الامريكيه والامين العام للدوله القبطيه 
دول عاملين زي القرد ابو صديري

انهم يعملون...ماذا يفعلون..دعهم يفعلون

بعد ايه؟

بعد ما خلص الدستور الاسود

هما بيدوروا ان حد يكتب عنهم في مصر

يوروني شطارتهم في تعديل الدستور الخربان

اللي حتي اغلبية المسلمين رافضينه

المسيحيين هما اللي موافقين علي المواد الاسلامية

هو حد كتب لا للمواد الاسلامية منهم

الحقيقة سيرتهم تقل القيمة

شكرا‎                           
 

أبونا أوغسطينوس حنا كاهن كنيسة القديس "مار يوحنا" بكوفينا الواقعة علي بعد حوالي 40 ميل شرق مدينة لوس أنجلوس-ولاية كاليفورنيا.

  كان أبونا أوغسطينوس قد نشر قصة منذ أكثر من 10 سنوات باسم "الحاخام و الخنزيرة"
و ملخصها ان هناك ساكن عند الحاخام كل يوم له طلبات و شكاوي..فكر الحاخام  أزاي ينتهي من وجع الداغ اللي مسببه الساكن. أخيرا الحاخام أهتدي الي فكرة يشتري خنزيرة و يستأذن الساكن انه يخاليها عنده لفترة. و بقدرة قادر اصبح الساكن ليس له اي طلبات سوي الشكوي من وجود الخنزيرة و نسي مع الوقت الطلبات الضرورية اللي الشقة محتاجة لها.

و هنا نلاحظ ان الحاخام أحضر الخنزيرة و هو اساسا محرم عليه لمس أو أكل لحم الخنزير لأنه بيعتبره نجس.
لكنه ضغط علي نفسه و معتقداته و أيمانه من أجل مصلحته.

وده بالضبط اللي حصل في مصر و من أعضاء الخمسين بتوع لجنة الدستور...

الناس في مصر سواء ان كانوا مسلمين أو مسيحيين رافضين الدستور السابق بتاع "د.مرسي", اللي أتكرر مرة تانية ارضاء للتيار الأسلامي,غير عابئين بال30 مليون و بال40 مليون اللي خرجوا رافضين الشريعة .لآن الناس لا يهمها مرسي و لا غيره ,هو لحق يعمل حاجة دول يا دوبك كام شهر.

غلطة د. مرسي الوحيدة انه صمم علي الشريعة الآسلامية و تطبيقها و لو ماكانش عمل كده كان زمانوا موجود في الحكم و بيحكم و تمام التمام.

لجنة الخمسين و ال10 المبشرين بجهنم اللي وضعوا الدستور المؤقت ,كلهم عملاء لقطر و للاخوان المسلمين
و أكيد قابضين نظير الخيانة بتاعتهم مش مهم فلوس ممكن اي حاجة تانية لبعض منهم.
بالرغم انا متأكد أن الأخوان وقطر ما يخلوش حد يعمل لهم حاجة ببلاش.

لما لجنة ال50 حسوا ان الشعب المصري فاق ,بالرغم ان السادة ألاعلاميين مش بيوعوا الشعب عن المصيبة اللي جاية لهم بخصوص دستور "د. مرسي"  اللي بيسموه 2012 ,اللي رجعوه تاني بصيغة و قوانين انيل من الأول.
و الكل ساكت خوفا او قابض مبلغ نقدي و المعروف أن قطر اديها سخية قوي و بتدفع جامد بالملايين الدولارات, 
مش بالمصري.

وأن لجنة ال50 اللي رجعت دستور "د. مرسي" لا يمكن يقرروا و يقدروا, يوزعوا سكر و زيت رشوة للشعب للتصويت بنعم ,زي ما ألأخوان عملوها.

وان لجنة ال50 اللي رجعت للشعب المصري "د.مرسي" بس عن طريق الدستور بتاعه فكرت في فكرة جهنمية شيطانية ,العن من اللي  ألاخوان عملوها بالزيت و السكر علي المحتاجين والغير متعلمين و موضوع الجنة والنار والعلامة الخضراء و السودا .

لجنة ال50 قالت أرشي الشعب المصري و المرة دي المتعلمين و المثقفين من النساء و ألأقباط و الشباب   
و يقال انهم قرروا أنهم يعطوا المرأة في مجلس الهيصا بيصا 20% , من الكراسي الجلد ليقعدوا عليها كام ساعة كل يوم.
و أنهم يعطوا ألأقباط 10% في مجلس اليهصا بيصا ,من الكراسي الجلد ليقعدوا عليها كام ساعة كل يوم.
 و كمان يعطوا للشباب المصري 10% في مجلس الهيصا بيصا من الكراسي الجلد ليقعدوا عليها كام ساعة كل يوم.

طيب هناك كام سؤال:

أولا :ما هو المجلس كله مسلمين و المرأة اللي راح تأخد ال 20% برضه مسلمة و يمكن يعينوا منعا للقيل و القال , و علشان يظهروا انهم ديمقراطيين زي الدول المحترمة يعينوا بالكتير أن حصل 5 ستات مسيحيات و هذا أشك فيه.

ثانيا: الشباب برضه نفس الحكاية ال10% برضه مسلمين و يمكن يعينوا منعا للقيل و القال 3 شباب مسيحي علشان يظهروا أنهم ديمقراطيين زي الدول المحترمة و هذا أشك فيه.

طيب هو المشكلة في دستور "د. مرسي" اللي رجعوه لينا تاني بعد ما قبضوا من قطر و من الأخوان ,هو عدم وجود ألمرأة و الشباب و ألأقباط.  و لا المشكلة الكبيرة اللي راح تضيع مصر القوانين السودة بتاعة الشريعة الأسلامية اللي رجعوها تاني في دستور "د.مرسي" المعدل و بيسموه 2012.

 دي القوانين بتاعة الشريعة الأسلامية الغير أنسانية اللي حطينها في الستور بتاع"د. مرسي" راح تخالي للمرأة
موجودة من غير صفة لانه صوتها عورة وانها ليست الا وعاء للراجل... و ان  الرجال قومون علي النساء
يبقي أزاي تدخل تتكلم و يسمعوا كلامها.

 نيجي للأقباط اللي كتير منهم فرحوا بنسبة ال10% و أعتبروه أنتصار فتحوا به عكة.. و أنه حاجة ما حصلتش في التاريخ...بلا خيبة هي الحكومة حطط لكم الخنزيرة بتاعتها في شقتكم علشان تلهيكم عن طلباتكم في العيشة الكريمة المحترمة اللي بتطالبوا بها.

طيب ياسادة يا محترمين يا لي كلكم زعماء و فاهمين التايهة انتم أيه صفاتكم في دستور "د.مرسي" اللي بيسموه 2012 المعدل ,و حسب قوانين الشريعة ألاسلامية الموجودة فيه. تقدروا تفكروا و تقولوا لي.

روحوا أسالوا "الأنبا بولا" يقول لكم من جديد أيه وضعكم بالضبط في الدستور بتاع "د.مرسي" اللي بيسموه دستور المعدل 2012 . ده أيام حكم "د. مرسي " كان وضعكم أكرم و أشرف 100 مرة عن بعد 30 يونية و 3 يولية و 26يولية دي الحالة دلوقتي من سيء الي أسوأ. شوفوا كام واحد انقتل و كام كنيسة اتحرقت وكام و كام...

صحيح "الأنبا بولا" أتكلم متأخر بعد ماخربت مالطة ,و أظن ان سكوته كان فاكر أنه بيتعامل مع ناس محترمة و راح يفهموا مطالب الملايين اللي خرجت رافضة الشريعة.  و أكبر دليل علي كده أفلام عيد ألأضحي اللي فات و الشباب اللي عنده كبت وراح يتفرج علي ألأفلام ,و ما شوفتوهمشي خارجين و حالهم متبهدل و مناظر بنطلوناتهم .
علي فكرة اتعملت حلقة عن التحرش في السينمات الي عرضت أفلام عيد الأضحي مع ألاعلامي "وائل ألبراشي" و اتقال فيها أكتر من كده مئات المرات.

الرشوة اللي دفعتها لجنة ال50 اللي رجعت دستور "د. مرسي" اللي هو 2012 المعدل, للمرأة و الأقباط و الشباب, بالنسب اللي حطوها ,هي بدل الزيت والسكر اللي دفعوه الأخوان المسلمين علشان التصويت بنعم. برضه لجنة ال50 فكرت و دفعت لكم الرشوة دي علشان تقولوا نعم.

و أذا كنتم غير مقتنعين و ضحوا لينا أيه صفاتكم , حسب قوانين الشريعة الأسلامية في دستور "د.مرسي" المعدل
مالكومش أي صفة... صفتكم تساوي صفر يعني زيرو.

أنا ما زلت اطالب و أضم صوتي  للملايين الكتيرة اللي رفضت الشريعة الأسلامية و أزاحت مرسي.
أنه ما تهتموش بالرشوة اللي راح تضيع البلد أكتر من هي ضايعة .. 
و أن نفعت مصر بقوانين الشريعة ألأسلامية ,اللي أعضاء لجنة ال50  ارتشت من الأخوان و قطر علشان يفرضوها علي الشعب المصري تبقوا تقابلوني..

ده دستور معمول لأرجاع الأخوان المسلمين مرة أخري أرضاء لقطر و تركيا و حماس و أمريكا و ألأتحاد الأوروبي أو أي حد تاني ماشي علي هواهم.

البلد رايحة في داهية و بتتباع عيني عينك... و أي بلد مش موجودة علي الخريطة راح تكون أفضل منها.

اللي بيحكم البلد النهاردة , هم اللي بيتمسكوا تحت الكباري في افعال جنسية فاضحة و هم السلفيين اللي لا عندهم لاذمة و لاضمير و لا أخلاق ,و التيارات الأسلامية الأخري اللي موجودة في كل الأحزاب اللي بيقولوا عليها مدنية و هي أحزاب لاتمثل سوي التيار الأسلامي.

الل يبيحكم البلد النهاردة هو التيارات الأسلامية اللي بتقتل كل يوم ضباط و جنود من الجيش و البوليس و المدنيين مسيحيين و مسلمين ,و هم نفسهم اللي رجعوا لينا دستور"د. مرسي" المعدل هم أعضاء لجنة ال50 و مجلس الوزراء و رياسة الجمهورية بالطقم الهمام.

الشعب المصري أكثر من 40 مليون خرجوا يعطوا تفيض "للفريق الأول السيسي" علشان يقضي علي الأرهاب
و الراجل قد كلمته...يخرج علينا بعض من الشراذمة يقولوا نعمل صلح مع الأرهابيين ماهم برضه مصريين..

أصبح في مصر تيار عميل عايز يصالح الأرهابيين ...وتيار وطني مبدأه الخاين مالهوش مكان بيننا..
كل واحد بيشد الحبل من ناحية...

و الناس بتنقتل كل يوم بسبب أعضاء لجنة ال50 و مجلس الوزراء و رياسة الجمهورية بالطقم الهمام بتاعهم...
ضباط و جنود بيسحلوهم و يدبحوهم و قنابل في المسيحيين و الكنائس..
و برضه مصممين الناس اللي ابتلت بيهم مصر يصالحوا لأرهابيين..
محاولة قتل الفريق السيسي..برضه نصالح الأرهابيين
محاولة قتل اللواء محمد أبراهيم  وزير الداخلية...برضه نصالح الأرهابيين
محاولة قتل قائد الجيش الثالث اللواء صفوت...برضه نصالح الأرهابيين
هو اللي عليهم  الظاهر اسمه نصالح..
ما هو كله بثمنه..
و الحجة الغبية أنهم مصريين..
هو فيه خيبة أكتر من كده..
يارب أنقذ مصر من المسؤولين اللي بيحكموها و اللي بيخربوا فيها .
هو فيه بلد اتحكمت بالشريعة الأسلامية و نفعت..
الواضح ان منتهي أمل المسؤولين حكام مصر اليومين دول يعملوا من مصر دولة زي السودان و أفغانستان و الصومال .
أنتم عايزين أيه من مصر بعد كده...مش كفاية بهدلة في البلد الطيبة دي
مش كفاية خيانة ..ده أنتم تستحقوا الأعدام 10 مرات
ده أنتم ألعن من حكم الأخوان المسلمين 100 مرة.
يا سادة يا مسؤولين يا حكام مصر:
هو أنتم ماتعرفوش الحرام ما سمعتوش عنه قبل كده...
مصر ما بتصعبش عليكم..
هو أنتم أيه حجر ..
ما فيش أحساس..
مش خايفين من ربنا..
و لا ما سمعتوش عنه قبل كده..

ألله لعن الراشي و المرتشي.

فوقوا بقي يا شعب..

شكرا 
نبيل بسادة
معتقل سابق في سجن أبوزعبل و جهاز أمن الدولة بتهمة التبشير بالمسيحية
من ال7 المحكوم عليهم شنقا حتي الموت بسبب دفاعهم عن الأقباط في مصر
المهندس نبيل بساده نائب رئيس الجمعيه الوطنيه القبطيه الامريكيه والامين العام للدوله القبطيه   
 


No comments:

Post a Comment